"Renault" француз армиясы үчүн учкучсуз учактарды массалык түрдө чыгара баштайт

Франциянын «Рено» автомобиль компаниясы коргонуу өнөр жай тармагындагы ишмердүүлүгүн кеңейтүүдө. Компания франциялык "Turgis & Gaillard" коргонуу тобу менен кызматташуудан баштап, ушул жылдын аягына чейин аскердик учкучсуз учуучу аппараттарды массалык түрдө чыгарууну баштоону пландоодо Бул тууралуу Франциянын куралдуу күчтөрүнүн министри Кэтрин Вотрин «Ouest-France» гезитине берген интервьюсунда билдирди Анын айтымында, долбоор учурда тестирлөө стадиясында турат жана жылдын аягына чейин автомобиль өнөр жайына мүнөздүү индустриалдык темпте биринчи сериялык өндүрүш башталат. "Renault" менен "Turgis & Gaillard" ортосундагы кызматташтык "Хор" долбоорунун алкагында ишке ашырылууда. Долбоордун негизги максаты - француз армиясынын арсеналындагы боштуктарды толтуруу жана жогорку интенсивдүү кагылышуулар үчүн керектүү өндүрүш көлөмүнө жетишүү Пилотсуз унааларды чыгаруу Франциянын Ле-Ман шаарында жайгашкан Renault заводунда уюштурулат Министр өндүрүлгөн моделдерди үзгүлтүксүз жаңыртуу маанилүү экенин айтты, анткени алар технологиялар тез өзгөрүп жаткан чөйрөдө иштешет