Бишкектеги мектептерде оңдоо иштери. Бул тууралуу борбор калаанын мэриясы комментарий берди

Бишкек мэриясы муниципалдык мектептерде жана бала бакчаларда акча чогултууга жол берилбестигин эскертти Билим берүү уюмдары жыл сайын жергиликтүү бюджеттен каржыланып жатканы өзүнчө баса белгиленет Капиталдык жана учурдагы оңдоого, ошондой эле билим берүү уюмдарынын материалдык-техникалык базасын чыңдоого каражат бөлүнөт Бир нече жыл мурун билим берүү объектилерин капиталдык оңдоого жыл сайын 120 миллион сомго жакын каражат бөлүнсө, бүгүнкү күндө каржылоонун көлөмү 500 миллион сомдон ашат 2026-жылы учурдагы оңдоо иштерине 183 миллион сомдон ашык каражат каралган, анын ичинде оңдоо иштерине төлөөгө биринчи жолу каражат каралган. Бул максаттарга 54,3 миллион сом бөлүндү, деп баса белгилейт мэрия Учурда Бишкек мэриясынын капиталдык курулуш башкармалыгы борбор калаанын билим берүү уюмдарында оңдоо иштерин жүргүзүү үчүн подряддык уюмдарды аныктоо боюнча сынактык процедураларды өткөрүүдө. Мамлекеттик жыйынтыктоочу аттестация жана экзамен тапшыруу мөөнөтү аяктагандан кийин билим берүү уюмдары жаңы окуу жылына даярдык көрө баштайт. Бардык пландаштырылган оңдоо иштери белгиленген тартипте подрядчылар тарабынан түзүлгөн келишимдердин алкагында жүргүзүлөт Бишкек шаарынын мэриясы оңдоо иштери педагогикалык жамааттын милдети эмес экенине жана ата-энелерден каражат чогултууну талап кылбагандыгына көңүл бурат. Керектүү иштер каралган бюджеттик каржылоонун эсебинен жүргүзүлөт Билим берүү башкармалыгы ата-энелерди, мугалимдерди жана билим берүү уюмдарынын жетекчилерин Кыргыз Республикасынын мыйзамдарынын талаптарын так сактоого, акча чогултуу практикасына жол бербөөгө жана мындай фактылар боюнча токтоосуз билдирүүгө чакырат