"Реал Мадрид" Кукурелланы "Челсиден" 70 миллион долларга сатып алган

27 жаштагы футболчу испаниялык клуб менен 6 жылдык келишимге кол койгон. Тараптардын ортосунда 14-июнда келишим түзүлүп, кийинки күнү расмий тастыкталган. Базалык которуунун суммасы болжол менен 64 миллион долларга бааланат, дагы 5,8 миллион доллар бонустук төлөмдөр түрүндө берилет Учурда Кукурелла 2026-жылдагы дүйнө чемпионатына катышып жаткан Испания курама командасында. Испаниялык Челсиге 2022-жылы жайында Брайтондон 85 миллион долларга кошулган. Коргоочу Барселонанын академиясынын тарбиялануучусу жана буга чейин бир нече жолу Испания чемпиондугуна кайтып келүү менен байланыштырылып келген Британ маалымат каражаттары жазгандай, футболчу үйгө көчүүгө кызыкдар болгон. Ага "Атлетико Мадрид" жана "Барселона" дагы кызыгышкан Кукурелланын трансфери клуб президенти Флорентино Перес кайра шайлангандан кийин жана башкы машыктыруучу болуп Жозе Моуриньо дайындалгандан кийин Реал Мадриддин курамын масштабдуу реструктуризациялоонун бир бөлүгү болгон Ошондой эле Мадрид "Манчестер Ситинин" жарым коргоочусу Бернардо Силваны, "Интердин" коргоочусу Дензел Дамфрисди жана франциялык коргоочу Ибрахима Конатени сатып алууну караштырып жатканы белгиленген Кукурелланын "Челси" менен келишими дагы үч жыл болгон, бирок лондондук клуб Мадридден сунуш түшкөндөн кийин оюнчуну сатууга макул болгон. Өткөн сезон Челси үчүн ийгиликсиз болду. Команда Англия чемпионатында 10-орунга ээ болуп, еврокубокторго жолдомосуз калды Эскерте кетсек, ФИФА 2026-жылдагы дүйнө чемпионатынын байге фондун рекорддук 871 миллион долларга көбөйттү