Азык-түлүк коопсуздугу боюнча Ислам уюмунун географиясы кеңейүүдө

Азербайжан менен Өзбекстан штаб-квартирасы Астанада жайгашкан Азык-түлүк коопсуздугу боюнча Ислам уюмунун Уставына кол коюшту. Аталган уюм Казакстандын демилгеси менен түзүлүп, расмий түрдө 2016-жылы ишин баштаган Кол коюу аземи Бакуда 19-Азербайжан эл аралык айыл чарба көргөзмөсү жана форумунун алкагында өттү. Документке Азербайжандын айыл чарба министри Мажнун Мамедов менен Өзбекстандын айыл чарба министри Иброхим Абдурахмонов кол коюшту Салтанатка Азык-түлүк коопсуздугу боюнча Ислам уюмунун башкы директору Берик Арын, Ислам Кызматташтык Уюмунун Башкы катчылыгынын өкүлү Нура Аль-Захрани, Казакстандын Азербайжандагы элчиси Алим Байел, ошондой эле форумга катышкан өлкөлөрдүн жана уюмдардын делегация башчылары жана өкүлдөрү катышты Берик Арын белгилегендей, Азербайжан менен Өзбекстандын уюмга кириши Ислам Кызматташтык Уюмунун мамлекеттеринин ортосундагы кызматташтыкты чыңдоого жана туруктуу тамак-аш системаларын түзүү боюнча биргелешкен аракеттерге көмөктөшөт Анын айтымында, эки өлкөнүн катышуусу аймактарды өнүктүрүү демилгелерин ишке ашырууда өз ара аракеттенүү мүмкүнчүлүктөрүн кеңейтет. Азербайжан менен Өзбекстан кошулгандан кийин Азык-түлүк коопсуздугу боюнча Ислам уюму 43 мамлекетти бириктирет Мүчөлүк өлкөлөргө эл аралык кызматташуу механизмдерине жана техникалык программаларга, анын ичинде потенциалды өнүктүрүү демилгелерине, саясий диалог платформаларына жана айыл чарбанын туруктуулугу, азык-түлүк коопсуздугун башкаруу жана агрардык-азык-түлүк секторунда инновациялар чөйрөсүндөгү аймактык долбоорлорго мүмкүнчүлүк берет Азык-түлүк коопсуздугу боюнча Ислам уюму Ислам Кызматташтык Уюмуна мүчө мамлекеттердин азык-түлүк коопсуздугун чыңдоо, туруктуу айыл чарбаны жана айыл жерлерин өнүктүрүү жаатында кызматташуусу үчүн көп тараптуу платформа катары иш алып барат