Рамил Хасан менен Нуман Куртулмуш түрк мамлекеттеринин ортосундагы кызматташтыкты талкуулашты

16-июнда Түрк мамлекеттеринин Парламенттик ассамблеясынын (ТҮРКПА) Башкы катчысы Рамил Хасан Түркияга жасаган расмий сапарынын алкагында Түркия Улуу Улуттук Жыйынынын Төрагасы Нуман Куртулмуш менен жолугушту Анда ТүркПАнын ишмердүүлүгү, түрк мамлекеттеринин парламенттер аралык кызматташтыгын өнүктүрүү жана уюмдун келечектеги багыттары талкууланганын «Репорт» билдирди Рамил Хасан ТүркПАнын негиздөөчү мамлекеттеринин бири болгон Түркия уюмдун ишмердүүлүгүндө өзгөчө роль ойноорун баса белгиледи. Ал уюмду түзүү боюнча келишимге 2008-жылдын 21-ноябрында Стамбулдун Долмабахче сарайында кол коюлганын эске салып, ТүркПА өткөн мезгилде ийгиликтүү иш алып баргандыгын билдирди Башкы катчы уюм боордош өлкөлөрдүн мыйзам чыгаруу органдарынын ортосундагы мамилелерди чыңдоо, моделдик мыйзамдарды даярдоо, түрк мамлекет башчылары кабыл алган чечимдерди парламенттер тарабынан тез арада ратификациялоо сыяктуу маанилүү саясий жана стратегиялык маанидеги процесстерде маанилүү роль ойноорун белгиледи. Ал TBMM Төрагасына бул багытта ишке ашырыла турган демилгелер боюнча сунуштарды берди Нуман Куртулмуш ТүркПАнын Башкы катчылыгынын ишмердүүлүгүн жогору баалап, акыркы 10 айда жасалган иштерге оң баа бергенин айтты. Алдыдагы мезгилде таштала турган кадамдардын түрк мамлекеттеринин ортосундагы стратегиялык кызматташтыктын дагы да тереңдешине жана орток парламенттик платформанын түзүлүшүнө салым кошоруна ишенээрин баса белгиледи Парламент спикери белгилегендей, Түркия парламенти ТүркПАнын ишмердүүлүгүнө колдоо көрсөтүүнү уланта берет Жыйынга ТүркПАнын Башкы катчысынын орун басары Мухаммет Алпер Хаяли да катышты Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат