"Казакстан менен Түркиянын ортосунда чечилбеген маселе жок" - Токаев

Казакстан-Түркия эки тараптуу мамилелер кеңейтилген стратегиялык өнөктөштүктүн духунда динамикалуу өнүгүп жатат Бул тууралуу Казакстандын президенти Касим-Жомарт Токаев Түркия менен Жогорку деңгээлдеги стратегиялык кызматташтык кеңешинин алтынчы жыйынында билдирди "Түркия бир тууган өлкө, биз үчүн маанилүү жана ишенимдүү өнөктөш. Биздин элдерибиздин тарыхы, адеп-ахлактык баалуулуктары бир. Бүгүнкү күндө биздин мамилелердин терең тамырлары элдерибиздин ортосундагы бузулбас достуктун мындан ары да чыңдалышына өбөлгө түзүүдө. Биздин өлкөлөрдүн ортосунда чечилбеген маселе жок", — деди Токаев Президенттин айтымында, мамлекеттер аралык жана өкмөттөр аралык мамилелер чыңдалууда. Мындан тышкары эки өлкөнүн экономикалык кызматташтыгы чыңдалууда. Түркия Казакстанга эң чоң инвесторлордун бири "Бүгүнкү күндө сиздин өлкөдөн экономикабызга 6 миллиард доллар инвестиция салынды. Казакстандын Түркияга жасаган инвестициясы дагы көбөйүп, болжол менен 2,5 миллиард долларга жетти. Түркия да биздин негизги соода өнөктөштөрүбүздүн бири. Элдерибиздин ортосундагы маданий-гуманитардык карым-катнаштар карым-катнашыбыздын алтын пайдубалын түзүүдө. Биз бул позитивдүү темпин сактап, кызматташуубуздун масштабын мындан ары да кеңейтүүнү көздөп жатабыз",- деди Токаев Белгилей кетсек, Түркиянын президенти Режеп Тайып Эрдоган Казакстанда иш сапары менен жүрөт