Казакстан Газаны реконструкциялоого катышууга даяр экенин ырастады

"Тынчтык кеңешинин негиздөөчүлөрүнүн бири катары биз бул институт глобалдык тынчтыкты жана коопсуздукту чыңдоого натыйжалуу салым кошот деп ишенебиз" Бул тууралуу Казакстандын президенти Гасым-Жомарт Токаев Тынчтык кеңешинин башкы кеңешчиси Арье Лайтстоун менен жолугушууда билдирди Жолугушууда Казакстандын Газа тилкесиндеги кырдаалды турукташтырууга багытталган демилгелери, анын ичинде социалдык инфраструктураны калыбына келтирүү, билим берүү, саламаттыкты сактоо жана азык-түлүк коопсуздугун колдоо жаатындагы демилгелерди ишке ашыруу талкууланды. Тараптар транспорт жана логистика тармагындагы кызматташтыктын келечегин, анын ичинде TRIPP демилгесин жана Орто коридорду талкуулашты. Алар Казакстан аймактар аралык байланыштарды чыңдоого жана эл аралык транспорттук каттамдарды диверсификациялоого кызыкдар экенин баса белгилешти Тынчтык кеңешинин өкүлү Казакстандын бул уюмдун ишине жана башка эл аралык демилгелерге, анын ичинде Авраам келишимдерине кошулуу чечимине активдүү катышуусун жогору баалады 22-январда Давосто өткөн Дүйнөлүк экономикалык форумдун алкагында Газа тилкесинде тынчтык орнотуунун алкагында түзүлгөн Тынчтык кеңешинин Хартиясына кол коюлду. Тынчтык кеңешинин биринчи отуруму 19-февралда Вашингтондо өттү