Галибаф: АКШ Иран менен ок атышпоо келишимин сыйлабайт

Бул тууралуу Иран парламентинин спикери жана АКШ менен сүйлөшүү тобунун башчысы Мохаммад Багер Галибаф социалдык тармактагы «X» аккаунтуна жазганын «Репорт» билдирди "Алар ок атышпоо келишимин сыйлашпайт, диалогго да ишенишпейт, деңиз блокадасы жана Ливан боюнча келишимдерди бузуу аркылуу алар күчтүн тилин гана түшүнөрүн көрсөтүп жатышат", - деп баса белгиледи Иран парламентинин спикери Галибаф Ак үйдү АКШнын Ормуз кысыгын блокадага алуусу жана анын Израилге колдоосу тууралуу эскертти: "Иран элине каршы деңиз блокадасы жана Американын Израилге "жашыл чырагы" Вашингтон менен Тель-Авивдин аймактагы базаларын Ирандын мыйзамдуу бутасы кылат." Белгилей кетсек, АКШнын президенти Дональд Трамп Ирандын 14 пункттан турган меморандумду макулдашы үчүн Тегеранга кысымды улантуунун маанилүүлүгүн баса белгилеген. Иран өз позициясынан чегинбейт. Ормуз кысыгындагы соңку чыңалуу да сүйлөшүү үстөлүндө орток пикирге келе албаганы менен түшүндүрүлөт Өкүлдөр палатасынын мүчөсү Пэт Фэллон (Техас штатынан келген республикачы) АКШ Ирандын аймагына сокку уруусун кайра баштаарын билдирди Эске сала кетсек, 28-февралда АКШ менен Израил Иранга каршы аскердик операциясын баштап, бир катар шаарларга абадан сокку урулган. Ошол эле күнү Ирандын жогорку лидери Али Хаменеи соккулардын натыйжасында өлтүрүлгөн. Буга жооп кылып Иран Израилдин аймагына жана Перс булуңундагы өлкөлөрдөгү АКШнын аскерий базаларына чабуул жасады Иран, АКШ жана алардын союздаштары 8-апрелге караган түнү ок атышпоо келишимине жетишти.Трамп кийин ок атышпоо келишимин белгисиз мөөнөткө узартты Тараптар Пакистанда жаңжалды жөнгө салуу боюнча сүйлөшүүлөрдү жүргүзгөн, бирок 11-12-апрелде өткөн биринчи айлампада эч кандай жыйынтык чыккан эмес АКШ Тегеранга кысым көрсөтүү үчүн Ирандын портторун жана Ормуз кысыгы аркылуу өтүүчү жолдорду блокадага алды. Иран өз кезегинде Перс булуңуна бара турган кемелер үчүн Ормуз кысыгын жаап салганын жарыялады. Аймактагы динамикалуу өзгөрүп жаткан кырдаал глобалдык энергетикалык кризисти жаратты Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат