Путин-Пашинян жолугушуусу качан болот?

Владимир Путин менен Никол Пашиняндын ортосунда жолугушууга байланыштуу азырынча так келишим түзүлө элек. Бул тууралуу Орусиянын президентинин басма сөз катчысы Дмитрий Песков билдирди, деп маалымдайт Modern.az. Анын айтымында, чечим Армениядагы шайлоонун акыркы жыйынтыгы толук тастыкталгандан кийин эки тараптуу кабыл алынат. Армениянын премьер-министри Никол Пашинян июнь айынын башында Орусияга барып, парламенттик шайлоодон кийин президент Владимир Путин менен жолугушууну пландап жатканын билдирген. Белгилей кетсек, 7-июндагы шайлоодо Никол Пашинян жетектеген “Жарандык келишим” партиясы жеңишке жетип, парламентте көпчүлүккө ээ болгон. Көптөгөн мамлекет башчылары Пашинянды шайлоодогу жеңиши менен куттукташканы менен Путин азырынча шашыла элек