Путин Зеленский менен жолугушуудан баш тартып, мындан “эч кандай пайда жок” деди

Орусиянын президенти Владимир Путин Украинанын президенти Владимир Зеленский менен согушту токтотууну талкуулоо үчүн жеке жолугушуудан эч кандай пайда көрбөй турганын айтты Мындай билдирүү Зеленский орус лидерине түз сүйлөшүүлөрдү жүргүзүү жана согуштук аракеттерди токтотуу боюнча макулдашуу сунушу менен ачык кат жолдогондон кийин айтылды. Украин президенти дагы сүйлөшүүлөрдүн жүрүшүндө ок атышууну толук токтотууга чакырды Сунушка жооп берип жатып Путин катты «орой» деп атап, адегенде эксперттик деңгээлде макулдашууга жетишүү зарыл экенин баса белгиледи "Мен азырынча маанисин түшүнгөн жокмун. Эксперттер иштеп, чечимдерди даярдашсын. Ошондон кийин жолуга алабыз", - деди Орусиянын президенти Санкт-Петербургдагы экономикалык форумда Путин Москванын позициясын кайталады, согуштук аракеттерди токтотуу Орусия өз максаттарына жеткенден кийин гана мүмкүн болот. Анын айтымында, саясий келишимдерсиз элдешүү Украинага өз күчтөрүн кайра чогултууга гана мүмкүндүк берет Өз кезегинде Зеленский сүйлөшүүдөн баш тартуу Орусиянын согушту токтотууну каалабагандыгын көрсөтөт деп билдирди. Анын пикиринде, мындай реакция дүйнөнүн көптөгөн өлкөлөрүндө көңүл калууларды жаратты Дипломатиялык пикир келишпестиктерден улам тараптар соккуларды алмашууну улантууда. Украина Азов деңизиндеги орус кемелерине жана оккупацияланган аймактардагы объекттерге кол салганын билдирди жана орус аскерлери Украинанын аймактарына сокку уруусун улантууда Буга чейин АКШнын президенти Дональд Трамп Украина менен Орусия согушту токтотуу маселесин өз алдынча чечиши керек деп билдирген Ката тапсаңыз, тексттин бир бөлүгүн тандап, Ctrl+Enter баскычтарын басыңыз