Путин Евробиримдик менен сүйлөшүүлөргө даяр экенин Кремль билдирди

Россиянын президенти Владимир Путин Евробиримдик менен сүйлөшүүлөргө даяр, бирок Орусия өзү мындай байланыштарды демилгелебейт, деп билдирди орус президентинин басма сөз катчысы Дмитрий Песков жума күнү журналисттерге "Путин баары менен сүйлөшүүгө даяр. Бул тууралуу ал бир нече жолу айткан. Орусия тарап Евробиримдик менен мамилебизди нөлгө түшүрүүнүн демилгечиси болгон эмес. Мунун демилгечиси Брюссель жана айрым европалык борборлор болгон", — деди Песков "Европалыктар канчалык даяр болсо, биз диалогубузду алдыга жылдырууга даярбыз. Бирок Путин бир нече жолу айткандай, европалыктардын позициясынан кийин, биз өзүбүз мындай байланыштарды баштабайбыз", - деди ал Бир күн мурун Financial Times Евробиримдиктин лидерлери орус президенти менен ыктымал сүйлөшүүлөргө даярданып жатканын жазган. Маалыматка ылайык, Еврокеңештин башчысы Антонио Коста Евробиримдиктин Путин менен сүйлөшүү мүмкүнчүлүгүн көрүп жатканын белгилеп, блок бул маселеде Украинанын президенти Владимир Зеленскийдин колдоосуна ээ болгонун белгиледи