Путин менен Нетаньяхуну камакка алууга ордер берген Эл аралык кылмыш сотунун прокурору кызматынан четтетилди

Карим Хан сексуалдык асылуу боюнча айыпталууда, деп билдирет Orda.kz Рим статутунун катышуучу-мамлекеттеринин ассамблеясынын бюросу Эл аралык кылмыш сотунун башкы прокурору Карим Ханды кызматынан убактылуу четтетти. Чечим дароо күчүнө кирди Дал ушул Хан 2023-жылы Орусиянын президенти Владимир Путин менен Балдардын укуктары боюнча комиссары Мария Львова-Белованы камакка алууга ордер берүүнү демилгелеген. ЭКК аларды украин балдарын мыйзамсыз депортациялаган деп айыптаган 2024-жылы Хан Израилдин премьер-министри Биньямин Нетаньяху менен мурдагы коргоо министри Йоав Галантты Газа тилкесиндеги согуш кылмыштары үчүн камакка алууга ордер алган Рейтер агенттигинин маалыматына караганда, БУУнун тергөөчүлөрү айыптоолор үчүн фактылуу негиздер табышкан. Ассамблея бюросу квалификациялуу көпчүлүктүн добушу менен мыйзам бузууларды олуттуу деп таап, Ханды кызматтан алууну сунуштады. Акыркы чечимди ассамблеянын жакынкы аралыкта чакырыла турган кезексиз сессиясы кабыл алат Хан өзү бардык айыптарды четке кагууда. Анын жактоочулары бул чечимди мыйзамсыз, адилетсиз жана далилдер менен тастыкталган эмес деп эсептешет. 2025-жылдын май айында прокурор тергөө учурунда административдик өргүүгө чыккан. Ошондон бери аппаратты анын орун басарлары башкарып келет Нетаньяху менен Галантка каршы ордерлерден кийин АКШ Эл аралык кылмыш сотуна каршы санкцияларды киргизген. Президент Дональд Трамп 2025-жылдын февраль айында соттун аракеттерин “мыйзамсыз” деп атаган буйрукка кол койгон. Карим Хан санкциялык тизмеге жеке өзү кирген. Орусия да ЭККнын юрисдикциясын тааныбай, Ханга жана соттун судьяларына кылмыш ишин козгоду