Карши районундагы май куюучу жайда болгон жарылуудан алты адам каза болду

Кашкадарыя облусунун Карши районунда турмуш-тиричилик газ баллондорун толтуруучу жайдагы жарылуунун натыйжасында алты адам каза болуп, дагы бешөө ар кандай оордуктагы жаракаттарды алышкан Өзгөчө кырдаалдар министрлиги билдиргендей, окуя 8-июнь күнү саат 13:50дө Чаман махалласынын аймагында болгон. Жоопкерчилиги чектелген коомго таандык тиричилик газ баллондорун суюлтулган газ менен толтуруучу жайда жарылуу болду Билдирүү түшкөндөн кийин окуя болгон жерге беш өрт-куткаруу тобу жөнөтүлгөн. Куткаруучулар саат 14:02де барышып, бир нече мүнөттөн кийин саат 14:05те өрттү локализациялап, саат 14:55те толугу менен өчүрүшкөн Алдын ала маалыматтар боюнча, жарылуунун жана андан кийинки өрттүн кесепетинен төрт унаа – эки «Кобальт» үлгүсүндөгү унаа жана эки атайын газ ташуучу унаа жабыркаган. Ошондой эле күйүүчү май сакталган жер астындагы эки резервуар да өрттөн жабыркаган Жабыркагандар медициналык мекемелерге жеткирилип, керектүү жардамдар көрсөтүлдү Өзбекстандын президенти Шавкат Мирзиёевдин тапшырмасы менен вице-премьер-министр Ачылбай Раматов жетектеген өкмөттүк комиссия түзүлдү. Комиссияга жабыркагандарга жардам көрсөтүүнү уюштуруу, окуянын кесепеттерин жоюу, жарылуунун келип чыгуу себептерин аныктоо жана келечекте мындай окуялардын алдын алуу боюнча иш-чараларды иштеп чыгуу тапшырылды Учурда окуя болгон аймак өзгөчө кырдаалдар кызматынын көзөмөлүндө, өзгөчө кырдаалдын кесепеттерин жоюу иштери уланууда Ката тапсаңыз, тексттин бир бөлүгүн тандап, Ctrl+Enter баскычтарын басыңыз