Кыргызстан менен Өзбекстандын президенттери телефон аркылуу сүйлөштү

Кыргыз Республикасынын Президенти Садыр Жапаров бүгүн, 4-июнда Өзбекстан Республикасынын Президенти Шавкат Мирзиёев менен телефон аркылуу сүйлөштү Президент Шавкат Мирзиёев Садыр Жапаровду Кыргызстандын Бириккен Улуттар Уюмунун Коопсуздук кеңешинин бир нече жылдар бою туруктуу эмес мүчөлүгүнө шайланышы менен кызуу куттуктады Өзбекстандын башчысы Кыргыз Республикасынын талапкерлигин БУУга мүчө-мамлекеттердин ынанымдуу колдоосу Кыргызстандын жогорку эл аралык кадыр-баркынын, өлкө жетекчилигинин тынчтыкты, стабилдүүлүктү жана туруктуу өнүгүүнү бекемдөө багытын таануусунун айкын далили экенин белгиледи Президент Садыр Жапаров Өзбекстандын Президентине жылуу куттуктоосу жана боордош Өзбекстанга ар дайым колдоосу үчүн чын жүрөктөн ыраазычылык билдирди Мамлекет башчысы Борбордук Азия өлкөлөрүнүн шайлоо өнөктүгүнүн алкагында Кыргызстандын талапкерлигин алдыга жылдырууга кошкон салымын өзгөчө белгиледи Садыр Жапаров Бириккен Улуттар Уюмунун Коопсуздук Кеңешинде эки тарапты кызыктырган маселелерди алдыга жылдыруу үчүн Кыргыз Республикасы өнөктөштөр менен активдүү өз ара аракеттенүүгө даяр экенин ырастады Телефондук сүйлөшүүдө мамлекет башчылары ошондой эле кыргыз-өзбек ар тараптуу стратегиялык өнөктөштүктүн актуалдуу маселелерин, мурда жетишилген макулдашууларды ишке ашыруунун жүрүшүн талкуулашты жана көп кырдуу кызматташтыкты мындан ары тереңдетүүгө эки тараптын кызыкдарлыгын ырасташты Алдыда боло турган жогорку деңгээлдеги иш-чаралардын графиги талкууланды Тарыхта биринчи жолу Кыргызстан БУУнун Коопсуздук Кеңешинин бир нече жылдык мөөнөткө туруктуу эмес мүчөсү болуп шайланды. Садыр Жапаров кыргыз элин БУУнун Коопсуздук Кеңешине шайлануусу менен куттуктады Бул окуяны Жогорку Кеңеш да тарыхый деп атады