Колумбиянын президенти шайлоо чатагынан улам кызматтан четтетилди

Колумбиянын президенти Густаво Петро 21-июнга чейин мамлекет башчылыгынан убактылуу четтетилди, деп билдирет Orda.kz El Tiempo басылмасына шилтеме берүү менен Мындай чечимди Колумбия Конгрессинин Өкүлдөр палатасынын айыптоо боюнча комиссиясынын төрагасы Глория Аризабалета кабыл алды. Бул чара президенттик шайлоонун экинчи айлампасына чейин күчүндө болот Токтотууга комиссия 9-июнда баштаган эки дисциплинардык иликтөө себеп болгон. Петро шайлоо өнөктүгү маалында саясий үгүт иштерине мыйзамсыз катышкан деп шектелүүдө Басылманын айтымында, дооматтар президенттин оңчул оппозициянын өкүлдөрүн сындаган эл алдында сүйлөгөн сөздөрүнө байланыштуу. Буга чейин Колумбиянын Мамлекеттик кеңеши мамлекет башчысына шайлоо процессине кийлигишүүгө тыюу салган, бирок тергөөнүн демилгечилеринин айтымында, бул чектөөлөр бузулган Кошумчалай кетсек, Петронун 8-июнда социалдык тармактарга жарыялоосу кошумча резонанс жараткан. Консерваторлордун талапкери Абелардо де ла Эсприелла тууралуу материалга жооп иретинде президент “Хейл Гитлер” деген сөздү жазып, коомчулуктун кеңири нааразычылыгын жараткан Колумбияда президенттик шайлоонун биринчи туру 31-майда болуп өттү. Добуш берүүнүн алдын ала жыйынтыгы боюнча башкаруучу солчул “Тарыхый пакт” коалициясынын талапкери Иван Сепеда менен оңчул күчтөрдүн өкүлү Абелардо де ла Эсприелла экинчи турга өттү. Экинчи тур 21-июнга белгиленген Ошол эле учурда жергиликтүү маалымат каражаттары мамлекет башчысын кызматтан алуу боюнча ушундай демилгелер буга чейин да каралып, бирок мындай чаралардын мыйзамдуулугу боюнча талаш-тартыштардан улам колдоо таппай калганын белгилешүүдө