Түштүк Африканын президенти мыйзамсыз миграцияга каршы масштабдуу чараларды жарыялады

Билдирүүдө иммигранттарга каршы маанай күчөп, нааразылык акциялары өтүп, өлкөдө жумушсуздук көбөйүп жаткан учурга туш келди Негизги чаралардын арасында мыйзамсыз мигранттарды жумушка алган иш берүүчүлөрдү кылмыш жоопкерчилигине тартуу, депортацияны тездетүү үчүн адистештирилген сотторду түзүү жана өздүк маалыматтарды уурдоо менен күрөшүү үчүн өлкөнүн бардык тургундарынын биометрикалык реестрин түзүү кирет. Мындан тышкары, чек ара көзөмөлүн күчөтүү, миграциялык системадагы коррупция менен күрөшүү жана иммиграциялык мыйзамдардагы мыйзам бузууларды жоюу пландалууда Ошол эле учурда Рамафоса жарандарды линчке каршы эскертти — Мыйзам бузууларга бөгөт коюуга ыйгарым укуктуу мамлекеттик органдар гана укуктуу. Башка эч кимдин укугу жок, мисалы, элди көчөдө токтотуп, жарандыгын тастыктоону талап кылууга, деди Түштүк Африканын президенти Акыркы жумаларда өлкөдө чыңалуу күчөп, антимигрант топтор мыйзамсыз мигранттардын Түштүк Африкадан 30-июнга чейин чыгып кетүүсүн талап кылышууда.Батыш Кейп провинциясында коркутуу толкунунан жана Мозамбиктин эки жараны каза болгондон кийин жүздөгөн мигранттар үйлөрүн таштап кетүүгө аргасыз болушкан. Африканын бир катар мамлекеттери өз жарандарын өлкөдөн эвакуациялай башташты Расмий маалыматтар боюнча, Түштүк Африкада үч миллиондон ашык чет элдик жарандар жашайт - калктын болжол менен 5%, бирок мыйзамсыз иммигранттарды кошкондо реалдуу саны алда канча көп. Өткөн жылы чек арачылар өлкөгө мыйзамсыз кирүүгө аракет кылган 450 миңден ашуун адамды кармашкан Түштүк Африкадагы жумушсуздуктун деңгээли 33% ды түзөт, бул дүйнөдөгү эң жогорку көрсөткүчтөрдүн бири, биринчи кезекте жаштарга таасир этет. Рамафоса мыйзамсыз миграция мамлекеттик кызматтарга кошумча басым жасап жатканын моюнга алып, жаңы чараларды түшүндүрүү үчүн коңшу Африка өлкөлөрүнө атайын өкүлдөрдү жиберүүнү убада кылды