Президент Садыр Жапаров Евробиримдиктин Борбор Азия боюнча атайын өкүлү Эдуардс Стипрайсты кабыл алды

Бишкек (АКИpress) – Президент Садыр Жапаров 5-июнда Европа биримдигинин Борбордук Азия боюнча атайын өкүлү Эдуардс Стипрайсты кабыл алды, деп билдирди президенттик аппараттын басма сөз кызматы Жапаровдун айтымында, Евробиримдик менен өз ара аракеттенүү жана “Борбор Азия – Европа Биримдиги” форматында аймактык кызматташтыкты бекемдөө Кыргыз Республикасынын тышкы саясатынын артыкчылыктуу багыттарынын бири болуп саналат Жапаров ири инфраструктуралык долбоорлорду, анын ичинде Камбар-Ата-1 ГЭСинин курулушун жана Global Gateway демилгесинин алкагындагы долбоорлорду ишке ашырууда Европа Биримдиги менен тыгыз кызматташууну улантуунун маанилүүлүгүн белгиледи Өз кезегинде Стипрайс мамлекет башчысын Кыргызстандын 2027–2028-жылдарга БУУнун Коопсуздук кеңешинин туруктуу эмес мүчөсү болуп шайланышы менен куттуктады. Анын пикиринде, бул ийгилик өлкөнүн тышкы саясатына эл аралык коомчулук тарабынан жогору баа берилгендигинин далили жана Кыргызстандын дипломатиялык кызматы менен мамлекеттик органдарынын биргелешкен чоң ишинин натыйжасы Ал белгилегендей, акыркы бир жылда Кыргыз Республикасы менен Европа Биримдигинин ортосундагы мамилелер олуттуу өнүгүү жолуна түшкөн Эдуардс Стипрайс Камбар-Ата-1 ГЭСинин курулуш долбооруна өзгөчө көңүл буруп, аны Кыргыз Республикасы менен Евробиримдиктин ортосундагы кызматташтыктын флагман долбоорлорунун бири деп атады. Ал белгилегендей, долбоорду ишке ашыруу аймактын энергетикалык коопсуздугун чыңдоого, аймактык кызматташтыкты өнүктүрүүгө жана Түштүк Азия өлкөлөрү менен энергетикалык өз ара аракеттенүү мүмкүнчүлүктөрүн кеңейтүүгө жардам берет Жолугушуунун жыйынтыгында тараптар кыргыз-европалык өнөктөштүктү мындан ары тереңдетүүгө жана эки тарапты кызыктырган маселелер боюнча конструктивдүү диалогду улантууга даяр экендиктерин ырасташты