Президент Садыр Жапаров Кипрдин тышкы иштер министри Константинос Комбосту кабыл алды

Бишкек (АКИpress) – Президент Садыр Жапаров 8-июнда өлкөгө расмий сапар менен келген Кипр Республикасынын тышкы иштер министри Константинос Комбосту кабыл алды Президенттин басма сөз кызматы билдиргендей, эки тараптуу жана көп тараптуу форматта кызматташуунун келечеги талкууланды Президент туризм, инвестиция, финансы жана банктар аралык мамилелер чөйрөсүндө, ошондой эле эл аралык уюмдардын алкагында мамлекеттердин өз ара аракеттенүүсүн тереңдетүүгө басым жасады Константинос Комбос Президент Садыр Жапаровду Кыргызстандын БУУнун Коопсуздук Кеңешинин туруктуу эмес мүчөсү болуп шайланышы менен куттуктап, бул олуттуу жетишкендик жана эл аралык коомчулуктун жогорку ишениминин далили экенин белгиледи Ал Кыргызстанга эки тараптуу мамилелерди өнүктүрүүгө жаңы дем берүү максатында келгенин айтып, бул үчүн тараптардын тийиштүү потенциалы бар экенин белгиледи Садыр Жапаров Константинос Комбоско куттуктоосу үчүн ыраазычылык билдирип, өз ара пайдалуу кызматташууга даяр экенин билдирди