Президент Казакстан элин Мамлекеттик символдор күнү менен куттуктады

Салтанат Астанадагы «Атамекен» этно-мемориалдык комплексинде өттү. Ардактуу кароолдун ротасынын башчысы президентке иш-чарага болгон даярдык тууралуу рапорт берди, андан соң Мамлекеттик гимн ойнолуп, Казакстандын Мамлекеттик туусу көтөрүлдү Казакстан элин майрамы менен куттуктап жатып, Касым-Жомарт Токаев Мамлекеттик символдор күнү өлкөнүн ар бир жараны үчүн өзгөчө мааниге ээ экенин белгиледи "Бул күнү биз тууну бийик көтөрөбүз. Муну менен биз сыймыктанган, эгемендүү өлкө экенибизди бүткүл дүйнөгө көрсөтөбүз. Биздин ыйык символдорубуз элибиздин баалуулуктарынын жаркын чагылдырылышы. Алардын ар бири биздин улуттук өзгөчөлүктү чагылдырат", — деди президент Мамлекет башчысынын айтымында, герб – Казакстандын мамлекеттүүлүгүнүн жаркын элеси, гимни – эркиндиктин даңазалуу үнү, көк желеги – өлкөнүн эгемендүүлүгүн чагылдырат «Биз урматтап, аздектеп жүргөн бул символдор мамлекеттүүлүгүбүздү чагылдырган үч түркүктүн бир түрү десек аша чапкандык болбойт», - деп баса белгиледи Токаев Президент ошондой эле тарыхта казак эли бир туунун астына биригип, биримдикти жана ынтымакты сактап келгенин эске салды. Анын айтымында, бүгүнкү күндө Казакстан коомдук биримдикти бекемдеп, алдыга ишенимдүү кадам таштоодо Казакстан Республикасынын мамлекеттик символдору 1992-жылдын 4-июнунда бекитилген жана эгемендүүлүк алгандан кийин эгемендүү мамлекеттин алгачкы атрибуттарынын бири болуп калган