Албаниянын президенти Кыргызстанга биринчи жолу расмий иш сапары менен келет

Албаниянын президенти Бажрам Бегай 17-19-июнь күндөрү Кыргызстанга расмий сапар менен келет. Бул тууралуу президенттик аппараттан билдиришти Иш сапар Кыргызстандын президенти Садыр Жапаровдун чакыруусу менен болот Сапардын алкагында Чолпон-Ата шаарында эки мамлекет башчыларынын сүйлөшүүлөрү өтөт. Тараптар эки тараптуу жана көп тараптуу кызматташуунун актуалдуу маселелерин талкуулашат Ошондой эле экономика, айыл чарба, туризм, транспорт, санариптештирүү жана башка тармактарда мындан аркы өз ара аракеттенүү боюнча пикир алмашуу пландалууда Президенттик аппараттан бул кыргыз-албан мамилелеринин тарыхында Албаниянын президентинин Кыргызстанга жасаган биринчи расмий сапары болорун белгиледи. Ал эки өлкөнүн кызматташтыгын мындан ары өнүктүрүүгө негиз түзөөрү күтүлүүдө