Астанада Казакстан менен Кипрдин президенттери тар форматтагы сүйлөшүүлөрдү өткөрүштү

Касым-Жомарт Токаев белгилегендей, акыркы жылдары эки өлкөнүн ортосундагы эки тараптуу кызматташтык кыйла бекемделген «2019-жылы Тышкы иштер министри болуп иштеп турганда Казакстанга иш сапары менен барып, ишенимдүү дос катары, кайсы бир мааниде биздин өлкөнүн Европа Биримдигиндеги элчиси катары иш алып барарыңызды билдиргенсиз.Бүгүнкү күндө биз олуттуу жыйынтыктарга жетиштик деп ишенимдүү айтууга болот.Биз мамлекеттерибиздин борборлорунда элчиликтерди ачтык, бир катар түз авиакаттамдарды ишке ашырдык, ошол эле учурда дагы бир катар маанилүү демилгелерди ишке ашырдык деп эсептейм. Эки тараптуу кызматташтыкты мындан ары кеңейтүү үчүн чоң потенциал бар, мен өз тарабымдан өнөктөштүктү өнүктүрүү үчүн бардык күч-аракетти жумшоого даярмын», - деди Казакстандын президенти Өз кезегинде Никос Христодулидес Казакстанга баруу мүмкүнчүлүгүнө канааттангандыгын билдирип, кызматташтыктын өнүгүү келечегин баса белгиледи «Мен чоң бизнес делегациянын коштоосунда Кипрден биринчи түз рейс менен сиздердин өлкөгө келгениме кубанычтамын», - деди ал Эки өлкөнүн тең чоң потенциалы бар экенин баса белгилеп, бүгүнкү сүйлөшүүлөр эки тараптуу кызматташтыкты кеңейтүүгө салым кошот деген ишенимин билдирди "Ошол эле учурда мен Казакстанга башка статуста келип жатам. Учурда менин өлкөм Евробиримдиктин Кеңешинде төрагалык кылууда. Бул аймактын, анын ичинде Казакстандын маанилүүлүгүн эске алуу менен мен Евробиримдик менен Казакстандын ортосундагы өз ара аракеттенүүнү мындан ары өнүктүрүүнүн жолдорун талкуулоого даярмын", - деди Никос Христодулидес Буга чейин Казакстандын президенти Касым-Жомарт Токаев Кыргызстанга келген Кипр президенти Никос Христодулидести Астанадагы Эгемендик сарайында тосуп алганы кабарланган