Россия Федерациясына кирүү, Гана менен визасыз жүрүү жана Индонезия менен соода жүргүзүү эрежелери: Жогорку Кеңештин комитети үч долбоорду жактырды

Жогорку Кеӊештин Эл аралык иштер, коргоо, коопсуздук жана миграция боюнча комитети Кыргыз Республикасынын жарандарынын өз ара сапарларынын режимине жана соода-экономикалык байланыштарды кеңейтүүгө байланыштуу үч маанилүү мыйзам долбоорун жактырды. Бул тууралуу парламенттин басма сөз кызматы билдирди Комитет бир эле учурда үч окууда Кыргызстан менен Россиянын Тышкы иштер министрликтеринин ортосундагы алмашуу ноталарын ратификациялоону колдоду Негизги өзгөртүү - балдардын туулгандыгы тууралуу күбөлүктөрү мамлекеттик чек арадан өтүүгө укук берүүчү документтердин тизмесинен толугу менен чыгарылат. Эми Кыргыз Республикасынын жашы жете элек жарандары Россия Федерациясына баруусу үчүн толук кандуу эл аралык паспорт талап кылынат Ошондой эле, депутаттар 2026-жылдын 16-мартында Бишкекте кол коюлган Дипломатиялык жана кызматтык паспорттордун ээлери үчүн визалык талаптарды алып салуу жөнүндө Гана өкмөтү менен макулдашууну ратификациялоону үч окууда жактырышты Комитет мүчөлөрү Евразия экономикалык биримдигинин өлкөлөрү (анын курамына Кыргызстан да кирет) менен Индонезиянын ортосундагы Эркин соода жөнүндө макулдашууну ратификациялоо тууралуу мыйзам долбоорун биринчи окууда жактырды. Бул документке 2025-жылдын 21-декабрында Санкт-Петербургда кол коюлган