Астанада Кипрдин элчилиги ачылды

Кипрдин Казакстандагы элчилиги Никозиянын Борбордук Азиядагы биринчи дипломатиялык өкүлчүлүгү болуп калды. Бул кадам Кипрдин аймактагы негизги өнөктөшү катары Казакстандын өсүп бараткан ролун чагылдырат, ошондой эле соода-экономикалык жана инвестициялык кызматташтыкты кеңейтүү үчүн кошумча мүмкүнчүлүктөрдү түзөт Салтанатта сөз сүйлөгөн Казакстандын Тышкы иштер министри Ермек Кошербаев Кипр Казакстандын Евробиримдиктеги маанилүү өнөктөшү экенин, элчиликтин ачылышы Борбордук Азия менен Жер Ортолук деңизи чөлкөмүнүн ортосундагы саясий диалогду мындан ары да бекемдеп, өз ара аракеттенүүнү өнүктүрүүгө шарт түзөрүн белгиледи Кипр Республикасынын тышкы иштер министри Константинос Комбос өз кезегинде Кипрдин аймактагы биринчи дипломатиялык өкүлчүлүгүнүн ачылышынын маанилүүлүгүн баса белгилеп, Казакстан менен эки тараптуу кызматташтыктын мындан аркы прогрессивдүү өнүгүшүнө ишеним билдирди Буга чейин Казакстан Республикасынын Премьер-министри Олжас Бектенов менен Кипрдин Президенти Никос Христодулидес казак-кипр бизнес форумуна катышкан