Орусиянын Армениядагы элчиси Москвага кеңешүү үчүн чакырылды

Орусия Армениядагы элчиси Сергей Копыркинди чакыртты. Бул тууралуу ишембиде Орусиянын Тышкы иштер министрлиги билдирди Тышкы иштер министрлигинин сайтында жарыяланган билдирүүгө ылайык, дипломат “Армения жетекчилигинин Евробиримдик менен жакындашуудагы кадамдарына байланыштуу” консультациялар үчүн Москвага чакырылган. Орусиянын Тышкы иштер министрлиги Армения бийлигинин мындай кадамдары “ЕАЭБдин ичинде зыян келтирет” деп билдирди Бир күн мурун Евразия экономикалык биримдигинин (ЕАЭБ) төрт өлкөсү, тактап айтканда, Орусия, Беларусь, Кыргызстан жана Казакстан Астанадагы саммиттин жыйынтыгы боюнча, ассоциацияга кирген Арменияны Евробиримдик менен ЕАЭБдин ортосундагы тандоо боюнча референдумду мүмкүн болушунча тез арада өткөрүүгө чакырышкан ЕАЭБге мүчө өлкөлөрдүн биргелешкен билдирүүсүнөн улам, декабрда Жогорку Евразиялык экономикалык кеңештин жыйынында Арменияга карата ЕАЭБ келишиминин токтотулушунун мүмкүн болуучу кесепеттери боюнча баяндама сунушталат, деп жазат РБК. Белгиленгендей, мындай документти даярдоо чечими Армениянын Европалык блокко кошулуу ниетине байланыштуу биримдиктин өлкөлөрүнүн экономикалык коопсуздугу үчүн олуттуу тобокелдиктерден улам кабыл алынган Орус президенти Владимир Путин жума күнү Астанадагы саммиттин жыйынтыгы боюнча маалымат жыйынында Ереван ЕАЭБден чыкса, ассоциациянын эркин соода аймагына кирүү мүмкүнчүлүгүнөн ажырай турганын жана темир жол тарифтери көтөрүлүп, автотранспортчуларга катуу талаптар коюларын билдирди. Энергияга болгон баанын көтөрүлүшү Арменияга ИДПнын кеминде 14%ын жоготушу мүмкүн, деп кошумчалады Путин Azattyk Asia © 2026 RFE/RL, Inc. | Бардык укуктар корголгон