Алматыда кесарево операциясынан кийин эне-бала каза болду

Алматыда шаардык перинаталдык борбордо 32 жаштагы Анна Ефименко менен анын төрөлө элек баласы каза болгон үй-бүлө суроого жооп издеп жатат, деп билдирет Orda.kz КТК телеканалына шилтеме берүү менен 4-майдан 5-майга караган түнү Анна ооруп жатканын айтып, эсин жогото баштаган. Жолдошу Алексейдин айтымында, аялы дарыгерлерге баланы жаткырып, дааратканага барам деп туруп, жолдо бир нече жолу эсин жоготуп жыгылганын айткан Алексей дароо тез жардам чакырган. Алгач аялы төрөт үйүнө жеткирилип, ал жерден перинаталдык борборго жөнөтүлгөн. Дарыгерлер сегизинчи айда кесарево жолу менен төрөткөн, бирок бала өлүк болуп төрөлгөн Аннанын абалы начарлай берген. 7-майда дарыгерлер анын каза болгонун билдиришкен. Соттук-медициналык экспертизанын корутундусунда мурда мээге кан куюлуп, баш мээсине травма алгандыгы көрсөтүлгөн. Кош бойлуу аялдын кантип мындай жаракат алганы азырынча белгисиз Алексей 15 жыл чогуу жашаган жубайынан айрылды. Жубайлардын эки баласы бар, кичүү кызы эки жашта. Анна маникюрист болуп иштеген, кондитердик азыктарды жакшы көргөн жана чоң үй-бүлөнү кыялданчу Маркумдун эжеси Алена Градович дарыгерлер үй-бүлөлүк окуяга ишарат кылып жатканын айтат Алматы коомдук саламаттыкты сактоо департаментинин башчысынын орун басары Лайла Имангалиева жыйынтык чыгарууга шашпоону суранды. Анын айтымында, социалдык тармактарда дарыгерлерди айыптоо эрте. Өлүмдүн так себебин соттук-медициналык экспертиза аныктайт Буга чейин Талдыкоргандагы ушундай эле окуя тууралуу жазганбыз. 2025-жылдын декабрь айында 26 жаштагы кош бойлуу Виктория Наумова облустук перинаталдык борбордо каза болгон. Ага сепсис жана жатын ичиндеги түйүлдүктүн өлүмү диагнозу коюлган. Өлгөндөн кийин үй-бүлө түйүлдүктү таба алышкан эмес. Ал биоматериал катары жок кылынды. Туугандары дагы медициналык документтердеги дал келбестиктерди таап, прокуратурага кайрылышкан