Саясат таануучу Кыргызстан коңшуларынан суу үчүн канча төлөй аларын эсептеп чыкты -

Кыргызстан суу инфраструктурасын кармоого кеткен чыгымдарды коңшу мамлекеттерден компенсациялоо маселесин көтөрүшү мүмкүн. Мындай пикирин өзбекстандык Upl.uz маалымат порталына орусиялык саясат таануучу Артемий Адвокатов билдирди Анын баамында, дамбаларды, суу сактагычтарды жана башка гидротехникалык инфраструктураларды жыл сайын оңдоо Кыргызстанга болжол менен 80–100 миллион доллар чыгымдайт. Эксперт бул чыгымдарды Кыргыз Республикасынын аймагында пайда болгон суу ресурстарын пайдаланган региондогу бардык мамлекеттердин ортосунда бөлүштүрүүнү адилеттүү деп эсептейт "Кыргызстан чындыгында аймактын суу мунарасы жана Бишкектин аракети менен бардык мамлекеттер сууну алып жатат. Кыргызстан суу маселеси өтө кылдат маселелердин бири экенин түшүнөт, андыктан алар андан эч кандай пайда көрүшпөйт. Бирок ИДПсы 23 миллиард долларга жакын өлкө үчүн жылына 80-100 миллион доллар чыгаша олуттуу эмес", — деди саясат таануучу Анын айтымында, Казакстан менен Өзбекстан үчүн бул сумма анча деле олуттуу эмес, ошондуктан коңшу мамлекеттер Бишкектин жүйөлөрүн жана суу инфраструктурасын колдоого биргелешип катышуунун маанилүүлүгүн түшүнүшү керек Артемий Адвокатов белгилегендей, Кыргызстан Борбор Азияны суу ресурстары менен камсыз кылууда негизги ролду ойнойт, анткени аймактагы дарыя агымынын олуттуу бөлүгү анын аймагында түзүлөт Кыргыз бийликтери акыркы жылдары суу ресурстарын бөлүштүрүү үчүн компенсациялоо маселесин бир нече жолу, анын ичинде эл аралык саммиттерде жана жолугушууларда көтөрүп, Кыргызстан суунун 30 пайыздан азын пайдаланганына, калганын башка мамлекеттер керектеп жатканына карабастан, Кыргызстан олуттуу каржылык жана адам ресурстарын жумшап жатканын баса белгилешкен