Москвада унаанын астынан "шектүү буюм" табылды - жаңыланды 21:23

Орусиянын укук коргоо кызматкерлери Москванын түштүк-батышында унаанын астынан “шектүү буюм” табышкан. Эксперттер аны текшерип, жардыруу менен зыянсыздандырышкан, эч ким жабыркаган эмес, деп билдирди Орусиянын Тергөө комитетинин басма сөз кызматы Тергөө комитетинин Москва бөлүмү тарабынан тергөө жана процессуалдык иш-чаралар жүргүзүлүүдө "Коммерсанттын" булактары Конково аймагында электромобилдин чатагы болгонун кабарлады. Кыска туташуудан улам анда өрт чыккан Москванын Конково районундагы Введенский көчөсүндө унаа токтотуучу жайда унаа жарылганын орусиялык телеграм каналдары кабарлашты Бул Москва облусунда бир суткадагы экинчи унаа жардыруу "Абайла, Москва" Telegram каналы Введенский жана Бутлеров көчөлөрүнүн кесилишин полиция кызматкерлери жана Улуттук гвардия курчоого алып, тез жардам бригадасы келгенин жазды. Shot Telegram каналы окуяга Zeekr электромобилинин капотунун астынан чыккан өрт себеп болгонун, аны куткаруучулар өчүрүшкөнүн, эч ким жабыркаган эмес деп жазды Азырынча расмий версиясы жок 9-июнь күнү таңга жуук саат 05:30дар чамасында Москванын жанындагы Балашиха шаарындагы Авиаторов кичи районундагы Көлдунов көчөсүндөгү аскер кызматкерлери үчүн курулган турак үйдүн жанында BMW X3 үлгүсүндөгү унаа жарылып кеткен. Натыйжада айдоочу каза болгон