Телефондук алдамчылык боюнча кылмыш иштери козголду, - ИИМ

«Кыскача маалымат» (АКИpress) - Ички иштер министрлиги өлкөдө соңку кездери катталган алдамчылык фактыларынын үстүнөн иштеп жатат, деп билдирди Ички иштер министринин орун басары Нурбек Абдиев 4-июнда Жогорку Кеңештин жыйынында Депутат Улугбек Ормонов телефондук алдамчылык жана социалдык тармактарда жалган маалыматтарды таратуу маселеси мурда да көтөрүлүп келгенин белгиледи. Анын айтымында, элди алдап, анын ичинде президенттин сүрөттөрүн, киреше убадаларын колдонуп жатышат. Мындай фактылар боюнча чаралар көрүлүп жатабы жана камалгандар барбы? Нурбек Абдиев бул фактылар боюнча иш жүрүп жатканын: түшкөн маалыматтар катталып, кылмыш иштери козголуп, тергөө амалдары жүрүп жатканын жооп берди. Буга чейин бир катар жарандардын өздүгү такталып, жоопкерчиликке тартылган; учурдагы иштер боюнча да жакын арада чаралар көрүлөт Эл өкүлү мындай учурларды коомчулукка жеткирүү керектигин айтты. Анын айтымында, жарандар өздөрүн прокуратуранын жана башка органдардын кызматкерлери катары көрсөткөн шылуундардын курмандыгы болуп калышат, андыктан түшүндүрүү иштерин күчөтүү керек