Базарлар ок атышпоо келишимин баалады, алтын кымбаттады

Доллардын алсызданышы жана мунайдын баасынын төмөндөшү менен алтындын баасы көтөрүлө баштады. Серепчилер кыска мөөнөттө олку-солку болушун күтүшсө да, алтындын унциясы 5 миң доллар деңгээлине жыл аягына чейин жетиши мүмкүн деп болжолдошууда Дүйнөлүк базарларда алтындын баасы доллардын арзандашы жана мунайдын баасынын төмөндөшүнөн улам жогорулады. Спот алтындын унциясы 0,7 пайызга жогорулап, 4 461,09 долларды түзсө, АКШда август айындагы фьючерстик алтын келишимдери 0,5 пайызга өсүп, 4 487,90 долларды түздү АКШ долларынын алсызданышы алтынды башка валюталарды колдонгон инвесторлор үчүн жагымдуураак кылды. Серепчилердин айтымында, акыркы мезгилде мунай менен доллардын баасы алтындын курсунда чечүүчү роль ойногон KCM Trade башкы базар аналитиги Тим Уотер алтындын кымбатташы мунай жана доллар баасынын артка чегинүүсү менен колдоого алынганын белгилеп, АКШ-Иран сызыгынан оң кабардын туруктуу өсүш үчүн маанилүү экенин айтты Трамп башкаруучулугунун Израиль менен Ливандын ортосунда ок атышпоонун ишке ашырылышы үчүн келишим түзүлгөнүн жарыялоосу Жакынкы Чыгышта чыңалуунун азаят деген күтүүлөрүн арттырды. Бул окуя ошондой эле Иран менен АКШнын ортосунда кеңири масштабдуу дипломатиялык процесс башталышы мүмкүн деген үмүттөрдү дагы күчөттү Нью-Йорк ФРдин төрагасы Жон Уильямс, Жакынкы Чыгыштагы окуялардын инфляцияга тийгизген таасиринин туруктуу болбой турганын ойлогондорун жана азыркы шарттарда акча саясатында өзгөрүүнү талап кылган бир абалды көрбөгөндөрүн белгиледи StoneX компаниясынын улук аналитиги Мэтт Симпсон алтындын өсүү тенденциясы токтой электигин айтты. Симпсон кыска мөөнөттө коррекциялык кыймылдар көрүлүшү мүмкүн экенин, бирок алтындын унциясы жыл аягына чейин акырындап 5 миң доллар деңгээлине чейин көтөрүлүшү мүмкүн экенин белгиледи Алтындын кымбатташы башка баалуу металлдарда да байкалды. Спот күмүш 0,6 пайызга, 73,13 долларга, платина 0,7 пайызга өсүп, 1872,11 долларды түздү. Палладий 0,9 пайызга жогорулап, 1313,51 долларга кымбаттады