Индонезия үчүн биринчи "Алтын алмалар"

Түркиянын Байкар компаниясы Кизилелма согуштук учкучсуз учактарын чет өлкөгө жеткирүү боюнча биринчи жолу келишим түздү жана Индонезия биринчи импорттоочу болду Компаниянын басма сөз кызматы билдиргендей, Стамбулда өткөн SAHA коргонуу өнөр жайы көргөзмөсүндө Индонезиянын Republicorp фирмасы менен 12 аппаратты сатуу келишимине кол коюлду. Түркиянын Коргоо өнөр жай башкармалыгынын башчысы Халук Гергүн кол коюу аземинде бул иш-чаранын маанилүүлүгүн белгилеп: «Бул тарыхый келишим, бул моделдин экспорту боюнча биринчи болуп саналат. Максатыбыз 2028-жылдан тарта 12 учактын партиясын жеткирүүнү баштоо»,- деди Документтер заказды жалпысынан 48 учкучсуз учакка чейин көбөйтүү мүмкүнчүлүгүн караган вариантты карайт Кизилелма учкучсуз учактын узундугу 14,7 метр жана 1,5 тоннага чейин пайдалуу жүктү көтөрө алат. 2025-жылы күзүндө эки Kizielma прототиби "акылдуу" алгоритмдерди колдонуу менен тарыхта биринчи жолу биргелешкен учуу жасады Байкар 37 өлкө менен келишим түзгөн дүйнөнүн эң чоң учкучсуз учуучу аппарат экспорттоочусу катары каралууда. Экспорт компаниянын жалпы кирешесинин 90% түзөт