Пентагон: АКШнын аскерий базалары дагы деле учкучсуз учактардын чабуулдарынан толук корголо элек

АКШнын Аскердик Аба күчтөрүнүн учактары дагы эле материкте жайгашкан базаларда камикадзе дрондорунун потенциалдуу чабуулдарынан тийиштүү түрдө корголбой жатат Бул тууралуу АКШнын аба күчтөрүнүн министри Трой Майнке Конгресстин Сенатында өткөн угууларда билдирди "Бул эң олуттуу коркунучтардын бири. Айрыкча континенталдык Америка Кошмо Штаттарында жайгашкан базаларда. Биз азырынча ал жерлерди авиация үчүн коопсуз жай деп эсептеп, аларды учкучсуз учактардан коргоо боюнча көп иш жасаган жокпуз. Бирок кырдаал тез өзгөрүп жатат", — деди Майнк Министрдин айтымында, учурда АКШнын аба күчтөрү приоритеттүү базаларды аныктоо жана алардын коргонуусун чыңдоо үстүндө иштеп жатат "Биз приоритеттүү базаларды тандоо процессиндебиз жана жакынкы аралыкта биз көңүл буруп жаткан болжол менен 14 базага тиешелүү жабдууларды жайгаштырууну баштайбыз. Бул чаралар базанын айланасында башкарууну камсыз кылуу үчүн командалык, башкаруу жана мониторинг системаларын, ошондой эле куралдын ар кандай түрлөрүн камтыйт. Буга кинетикалык, кинетикалык эмес жана багытталган энергетикалык курал системалары кирет", - деди АКШнын Аскердик Аба күчтөрүнүн катчысы