Чабан кокусунан жашыруун базаны таап алды

Израил бир жылдан ашык убакыттан бери Ирактын батышындагы чөлдүү аймактарда кеминде эки жашыруун аскерий базасын Иранга каршы операциялар үчүн жашыруун пайдаланып жатканын The New York Times Ирактын жана аймактык бийлик өкүлдөрүнө шилтеме кылып жазды Алардын айтымында, базалардын бири 2025-жылдын июнь айында Тегеранга каршы 12 күндүк согушта май куюу, абадан колдоо жана медициналык жардам көрсөтүү үчүн колдонулган. Израиль келечектеги кагылышуулар үчүн алыскы жерлерди тандап, 2024-жылдын аягында объектилерди даярдай баштады Базалардын биринин бар экендиги 29 жаштагы чабан Авад аш-Шаммари каза болгондон кийин белгилүү болгон. Туугандарынын жана жергиликтүү аскер кызматкерлеринин айтымында, ал киши кокустан Аль-Нухайб шаарына жакын жердеги чөлдө тик учактар, аскерлер жана аба тилкеси бар лагерди таап, Ирак аскерлерине кабарлаган Жашыруун базалар тууралуу маалыматтардын ачыкка чыгышы Иракта ызы-чуу жаратып, Багдаддын өз аймагын көзөмөлдөөсүнө шек туудурган. Ирак парламентарийлери бийликти унчукпай, өлкөнүн эгемендигин бузган деп айыптап, иликтөөнү да талап кылышты. Булактардын ырасташынча, АКШнын Борбордук командачылыгы Израилдин Иракта бар экенин билсе керек, бирок Вашингтон да, Багдад да объектилердин бар экенин ырастоодон расмий баш тартышты