Пашинян: Түркия менен чек ара ачылып, Азербайжан менен тынчтык келишимине кол коюлушу керек

Армениянын премьер-министри Никол Пашинян парламенттик шайлоонун алдын ала жыйынтыгын жарыялагандан кийин сүйлөп жатып, Ереван тынчтык курсуна, аймактык кызматташтыкка жана коңшу өлкөлөр менен мамилени нормалдаштырууга умтуларын билдирди Армян маалымат каражаттарынын жазганына караганда, Пашинян журналисттин шайлоодогу жеңишинен кийин Түркия жана Азербайжан элине кандай билдирүүнү жеткирүүнү каалайт деген суроосуна жооп берип жатып, Армениянын позициясы өзгөрүүсүз экенин айтты "Билдирүү да ушундай. Армян эли тынчтыкты, аймактык гүлдөштүктү жана аймактык кызматташтыкты жактайт. Муну Түркия да, Азербайжан да кубаттайт деп үмүттөнөм",-деди Премьер-министр Армения үчүн негизги артыкчылыктардын бири Азербайжан менен тынчтык процессин институционалдык негизде бекемдөө экенин баса белгиледи Армения-Түркия карым-катнаштарына токтолгон Пашинян Ереван нормалдашуу процессин улантууга жана мамлекеттик чек араны ачууга үмүттөнөрүн белгиледи "Түркия менен чек араны ачуу керек. Башкача айтканда, Түркия чек араны ачып, ошол эле учурда дипломатиялык мамиле түзүш керек", - деди ал Пашинян Түркиянын армян жүктөрү үчүн Ахалкалаки-Карс темир жолун ачуу чечимин да оң баалады «Биз армян продукциясын экспорттоо жана импорттоо үчүн Ахалкалаки-Карс темир жол линиясын ачуу чечими үчүн ыраазыбыз», - деп белгиледи Премьер-министр Анын айтымында, учурда Армения менен Түркиянын мамилесинде оң динамика байкалууда, бирок акыркы жыйынтыкка жетүү үчүн бул процесс улантылышы керек Азербайжан менен алака боюнча Пашинян тараптар тынчтык келишиминин тексти боюнча буга чейин макулдашканын эске салды "Азербайжан боюнча бизде алдын ала макулдашылган тынчтык келишими бар экенин билесиздер. Эми ага кол коюшубуз керек", - деп баса белгиледи ал