Озоди: Дүйшөмбүнүн өтүнүчү менен Арменияда дагы бир тажик жараны кармалды

Армениянын чек арачылары Тажикстандын жаранын кармашты "Озоди/Азаттык" радиосунун тажик кызматы билдиргендей, 46 жаштагы Асомуддин Раджабов Грузия менен Армениянын чек арасынан өтүп жаткан жеринен кармалган Хельсинкинин Жарандык Ассамблеясынын Ванадзор кеңсесинин юридикалык бөлүмүнүн башчысы Ани Чатинян Озодиге анын кардары тажик бийлигинин өтүнүчү менен “экстремизм” деген айып менен кармалганын айтты "Учурда прокуратура анын ишин карап жатат. Биз ал Тажикстанга экстрадицияланбайт деп ишенебиз", - деп кошумчалады ал Озодинин редакциясы азырынча Тажикстандан комментарий ала элек Асомуддин Раджабов Фейсбук социалдык тармагында каймана ат менен сын макалаларды жарыялаган Анын досторунун бири “Озодиге” Раджабов акыркы бир жылдан бери Грузияда жашап жүргөнүн, бирок полиция анын өлкөдө болуу мөөнөтү бүтүп калганын, ошондуктан ал өлкөдөн чыгып кетиши керектигин эскерткенин айтты «Асомуддиндин тажик паспортунун да мөөнөтү бүтүп калгандыктан, ал Армениянын чек арасынан тезирээк өтүүнү каалаган, бирок чек арадан кармалган», - деп кошумчалады ал Озодинин маектешинин анонимдүү түрдө берген маалыматына караганда, Асомуддин Раджабов 2009-2012-жылдары Тажикстандын Ички иштер министрлигинин атайын багыттагы полиция бөлүмүндө (ОМОН) кызмат өтөгөн «Ал Бадахшандагы өкмөттүк операцияларга да катышып, үрөй учурган окуяларга күбө болуп, өз ыктыяры менен ОМОНду таштап, Орусияга кеткен, андан кийин Түркияга, ал жактан Грузияга көчүп кеткен», - деди ал Өткөн аптада Арменияда кармалган дагы эки тажик жаранынын жакындары Озодиге бир нече күндөн бери алардан эч кандай кабар ала электигин айтышкан Расмий Дүйшөмбүнүн өтүнүчү менен Арменияда эки тажик жараны кармалып, аларга “жалданмачылык”, “кылмыштуу уюмду уюштуруу” жана “баңгизат сатуу” беренелери боюнча айып тагылды. Маалым болгондой, алар учурда Армениянын түндүгүндөгү Ванадзор шаарындагы убактылуу кармоочу жайда кармалууда. Алардын жакындары, тескерисинче, бул иш саясий мүнөздө экенин айтып жатышат Azattyk Asia © 2026 RFE/RL, Inc. | Бардык укуктар корголгон