Соодадан медицинага: Кыргызстандын Министрлер Кабинетинин башчысы Юта штатынын делегациясы менен эмнелерди талкуулады

Кыргызстан Американын Юта штаты менен соода жана санариптик технологияларды камтыган толук кандуу өнөктөштүктү түзүүгө ниеттенүүдө. 27-апрелде Бишкекте Министрлер кабинетинин башчысы Адылбек Касымалиев Юта штатынын Сенатынын төрагасы Стюарт Адамс жетектеген делегацияны кабыл алды Сүйлөшүүлөр бир нече багыттарды камтыды: билим берүү, саламаттыкты сактоо, инновациялар, соода мамилелерин кеңейтүү жана санариптик трансформация. Касымалиев кыргыз тараптын соода-экономикалык, маданий-гуманитардык чөйрөдөгү мамлекеттик органдардын, бизнестин жана мамлекеттик мекемелердин ортосундагы өз ара аракеттенүүнүн комплекстүү моделин түзүүгө даярдыгын белгиледи Адамс өз кезегинде кыргыз экономикасынын таасирдүү өсүү темптерин белгилеп, мындан аркы кызматташууга кызыкдар экенин билдирди