"Ош Тазалык" таштанды төгүүчү жайдан чыккан сасык жыт үчүн жазаланды (видео)

Шаардык таштанды таштоочу жайдагы мыйзам бузуулар үчүн “Ош Тазалык” адистештирилген муниципалдык ишканасына 46 миң сом айып салынды. Бул тууралуу Жаратылыш ресурстар, экология жана техникалык көзөмөл министрлигинин алдындагы Экологиялык жана техникалык көзөмөл кызматынын Ош облусу боюнча аймактык башкармалыгынан билдиришти Дагы жаңылыктар жана видеолор Kaktus.media Telegram каналында Ведомстводон билдиришкендей, ишканага экиден 23 миң сомдон айып салынган - Эреже бузуулар жөнүндө кодекстин 115 жана 212-беренелери боюнча. Мындан тышкары жетекчиликке полигондогу абалды такай жана катуу көзөмөлгө алуу боюнча тапшырмалар берилди Буга чейин жакынкы райондордун жашоочулары таштанды төгүүчү жайдан чыккан жагымсыз жыт, ошондой эле анын санитардык абалы канааттандырарлык эмес деп бир нече жолу даттанышкан