Ормузда АКШнын тик учагы кулады, Трамп Иранга жооп кайтарылганын айтты

Кошмо Штаттар Иранга 9-июнда каршы сокку урганын, буга "өзүн өзү коргоо" максаты себеп болгонун билдирди. Анын алдында, бир нече саат мурда АКШ президенти Дональд Трамп Иран Ормуз кысыгында америкалык армиянын Apache тик учагын атып түшүргөнү үчүн ага жооп берүүгө аргасыз болгонун билдирген АКШнын Борбордук командачылыгы (CENTCOM) Х социалдык тармагындагы билдирүүсүндө Apache тик учагы атып түшүрүлгөнүнө байланыштуу жооп катары, өзүн өзү коргоо максатында Иранга сокку ура баштаганын маалымдады Мекеменин билдирүүсүндө мындан башка маалымат айтылган жок, бирок Трамп ABC News телеканалына курган маегинде "бул алардын өткөн түнү биздин тик учакты эмне кылганына карата жооп, жообубуз өтө катуу, өтө күчтүү болушу зарыл деп эсептейм жана ошондой болууда" деп айтты Ирандын Ислам революциясынын сакчылар корпусу менен байланышы бар Fars маалымат агенттиги Хормозгандын чыгыш райондорунда жарылуу болгонун маалымдады, ал эми Mehr маалымат агенттиги кабарлагандай, Сирик портунун тегерегинде да жарылуу угулду Ошондой эле Кешм аймагында жана Жаск шаарынын аймагында да жарылуу болгонун маалымат агенттиктери өз булактарына жана жергиликтүү тургундардын айткандарына таянып жазышты 9-июнда Truth Social социалдык түйүнүндө америкалык президент өлкөнүн аскер жетекчилигинен "ирандыктар АКШнын жогорку технологиялуу Apache тик учагын атып түшүрүшкөнү" тууралуу маалымат алганын жана "Кошмо Штаттар, эгер зарылчылык жаралса, бул соккуга жооп бериши керек" экенин жазган. Ошону менен катар ал аталган тик учактын бортундагы эки учкуч коопсуздукта экенин жана алар жабыркабаганын кошумчалаган Андан мурдараак CENTCOM Омандын жээгинде аймактык суу тилкесин кайтаруу учурунда AH-64 Apache тик учагы кулагандан кийин экипаждын эки мүчөсү куткарылганын жазган Америкалык аскерлер жоокерлер болжол менен эки саат ичинде эвакуация болгонун жана алардын абалы туруктуу экенин билдиришкен. Окуянын себеби иликтенип жатканы маалымдалган Трамптын билдирүүсүнө чейин аймактагы кырдаал менен тааныш булактар журналисттерге тик учакты Иран атып түшүрдүбү же кандайдыр бир механикалык мүчүлүштүк пайда болгонбу, же башка бир көйгөй жаралганбы, белгисиз экенин айтышкан Ирандын тышкы иштер министри Аббас Аракчи Кошмо Штаттар Тегерандын "чечкиндүүлүгүн текшерүүнү чечкен экен" деп Х социалдык түйүнүнө жазды жана Иран "эч бир кол салууну же коркунучту жоопсуз калтырбайт" деп кошумчалады Апрель айынын башында кабыл алынган атышпоо келишимине карабастан бул маселеде прогресс азырынча толук байкала элек болууда. 9-июнда эртең менен Трамп тараптар узак мөөнөттүү тынчтык келишимине жетишүүгө жакындап калганын айткан эле. Ал өзөктүк куралдын болушуна жол бербөөгө шарт түзө алгыдай абдан жакшы келишимди даярдоонун акыркы этабы жакын экенин билдирген