Ордуда үй-бүлөнү стимулдаштыруу программасы: 10 баласы барларга жаңы унаа, 8 баласы барларга муниципалитетте жумуш берилет!

Орду облусунун Кумру районунда муниципалдык кеңештин 4-майдагы чечими менен жаңы демографиялык кыймыл башталды Мэр Юсуф Яшчува жарыялаган пакеттин чоо-жайына караганда, баскычтуу система менен үй-бүлөлөргө колдоо көрсөтүлөт. «Чоң үй-бүлө, күчтүү Түркия» идеясы менен жолго чыккандарын белгилеген Яшчува, жарыяланган программада үчүнчү бала жана андан кийинки ар бир бала үчүн 50 миң лирадан шыктандыруучу төлөм жасала турганын айтты. Жободо балдардын саны арткан сайын 50 миң лирадан кошумча кайрымдуулук жасала турганы, 8-балалуу үй-бүлөлөргө 300 миң лира акчалай жардам берилери жана муниципалитет ичинде жумуш мүмкүнчүлүктөрү сунушталары белгиленген Даярдалган дем берүүчү пакеттин эң жогорку деңгээлине 10 балалуу үй-бүлөлөр кирет. Бул талапка жооп берген үй-бүлөлөргө жапжаңы унаалар алынып келинет. Долбоордун райондун демографиялык түзүлүшүн сактоого багытталганын белгилеген мэр Ялчува азайып бараткан калк көйгөйүнө көңүл буруп, мындай деди: "Биз 10 балалуу үй-бүлөлөргө жапжаңы унааларды өзүбүз сатып алып, жеткирип беребиз. Кумрунун калкы күндөн-күнгө азайып баратат, калктын санын көбөйтүү үчүн ушундай долбоорду ишке киргизели дедик. Сыйлыктарды берүү менен үй-бүлөбүзгө салымыбызды кошобуз жана ошол эле учурда районубуздагы калктын санынын көбөйүшүнө салым кошобуз"