Кыргызстандын Акыйкатчысы Ак-Суу районунда өзүн өзү өрттөгөн аялдын жашы жете элек төрт баласынын укугун көзөмөлдөөнү улантууда

Кыргыз Республикасынын Акыйкатчысы (Омбудсмени) Жамиля Жаманбаева Ысык-Көл облусунун Ак-Суу районунда өзүн-өзү өрттөгөн аялдын жашы жете элек төрт баласынын укуктарын көзөмөлдөөнү улантууда Акыйкатчынын облустагы ыйгарым укуктуу өкүлү социалдык кызматкерлер менен бирдикте балдардын жашоо шартын такай көзөмөлдөп, жума сайын маалымат алып турат Эске салсак, 2026-жылдын февраль айында Ак-Суу районунда 40 жаштагы аял өспүрүм кызы менен кош бойлуу болгондугуна байланыштуу милицияга чакырылган. Облустук ички иштер башкармалыгынын имаратынын алдындагы унаа токтотуучу жайда аял өзүн-өзү өрттөп, андан кийин каза болду Аял төрт баланы жалгыз тарбиялаган. Учурда үч баласы атасы менен жашайт. Экинчи никеден төрөлгөн кичүү кызы да атасынын камкордугунда Ак-Суу райондук эмгек, социалдык коргоо жана миграция бөлүмүнөн билдиришкендей, балдардын ар бирине ай сайын 3300 сомдон жөлөк пул дайындалды Ысык-Көл облусунун ички иштер башкармалыгынан билдиришкендей, бул факты боюнча кызматтык иликтөө жүргүзүлгөн. Жыйынтыгында тергөөгө чейинки текшерүүдө мыйзам бузууларга жана шалаакылыкка жол берген кызматкерлерге тартиптик чаралар көрүлдү Белгилей кетсек, кырсыктан кийин Жамиля Жаманбаева компетенттүү органдарды аялдын өлүмүнүн бардык жагдайларын ар тараптуу жана объективдүү тактоону камсыздоого чакырган. Акыйкатчы ошондой эле мамлекеттик органдарды маркумдардын балдарынын укуктарын коргоо жана аларга керектүү социалдык колдоо көрсөтүү боюнча комплекстүү чараларды көрүүгө чакырды