Нью-Йорктогу чемпионаттын кубанычы трагедия менен аяктады, Таймс-скверде өспүрүм атып өлтүрүлдү - ФОТО

АКШнын Нью-Йорк шаарында "Нью-Йорк Никс" командасынын НБА чемпиондугун белгилеп жаткан күйөрмандардын кубанычы башаламандыкка айланды Fox News телеканалынын маалыматына караганда, Таймс-сквердеги тополоңдо 17 жаштагы өспүрүмгө ок тийген Окуя түнкү саат 02:00дөр чамасында катталган. Маалыматка ылайык, өспүрүмдүн бутуна ок тийип, дароо Bellevue ооруканасына жеткирилген. Дарыгерлер анын абалы туруктуу экенин айтышты Нью-Йорк полициясы окуяга байланыштуу үч адамды камакка алды. Ошондой эле укук коргоо органдарынын кызматкерлери кармалган адамдар турган жерден ок атуучу куралдарды табышкан. Бирок азырынча эч кимге расмий айып коюла элек Fox News гезити «Нью-Йорк Никс» акыркы 53 жылда биринчи жолу НБА чемпиондугун жеңгенден кийин миңдеген күйөрмандары шаардын көчөлөрүнө агылганын жазган. Бирок майрамдык иш-чаралар кыска убакыттын ичинде көзөмөлдөн чыгып кетти Reuters агенттигинин маалыматына караганда, айрым күйөрмандар мектеп автобустарын бузуп, алардын бири өрттөлгөн. Полиция тополоңду болтурбоо үчүн окуя болгон жерге атайын күчтөрдү жана атчан полиция бөлүктөрүн чакырды Полиция шаардын ар кайсы аймактарында көптөгөн камоолор болгонун ырастаганы менен, алардын так санын айткан жок. Учурда тергөө иштери уланууда