Нурдан Орунтаев Алтай шаарчасынын курулушунун жүрүшү менен таанышты

Кыргызстандын курулуш, архитектура жана турак жай-коммуналдык чарба министри Нурдан Орунтаев Бишкек шаарында курулуп жаткан Алтай шаарчасынын курулушунун жүрүшү менен таанышты Жумушчу визиттин жүрүшүндө министрге долбоорду ишке ашыруунун учурдагы этабы, инженердик жана даярдоо иштеринин аткарылышы жана объектилердин курулушунун жүрүшү тууралуу маалымат берилди, деп билдирет Курулуш министрлиги Нурдан Орунтаев курулуш-монтаждоо иштеринин сапатын жана курулуштун бекитилген графигинин сакталышын күн сайын көзөмөлгө алууну тапшырды. Мындан тышкары, ар бир курулуш объектисинде аткарылган иштер боюнча өз убагында отчет берип, жооптуу адистер тарабынан такай көзөмөлгө алынышы керектигин баса белгиледи Министр ошондой эле курулуш иштери чындап башталып, активдүү фазада турган кварталдарда гана батирлерди сатууну тапшырды. Бул чара жарандардын кызыкчылыктарын жана коопсуздугун камсыздоого багытталган Бүгүнкү күндө 600гө жакын кварталдын аймагында дренаждык системаларды орнотуу иштери аяктады. Ошол эле учурда арматура торлорун токуу жана кийинки бетондоо үчүн фундаменттерди даярдоо иштери жүрүп жатат Белгилей кетсек, Алтай шаарчасы өлкөдөгү эң ири турак жай курулуштарынын бири жана 234 гектар аянтты ээлейт. Долбоор боюнча 1551 беш кабаттуу көп квартиралуу турак жайларды куруу каралган. Жалпысынан ар кандай пландагы 34 миңден ашык батирлер пландаштырылып, жалпы өнүктүрүү аянты 1 миллион 7 миң чарчы метрден ашат Долбоорго ылайык, шаарда социалдык инфраструктуралык объектилерди, анын ичинде мектептерди, бала бакчаларды, поликлиникаларды, ооруканаларды, реабилитациялык борборлорду, ички иштер органдарынын аймактык бөлүмдөрүн, ошондой эле өрткө каршы жана куткаруу кызматынын борборлорун куруу каралган