Жаңы инвестициялык долбоорлор талкууланды

Өзбекстанда иштеп жаткан «Чжунхуа Хутуби Ташкент Green Land» компаниясынын Навбахор районунда дары-дармек өсүмдүктөрүн өстүрүү, жерди эффективдүү өздөштүрүү жана алдыңкы агротехнологияларды киргизүү боюнча долбоорлору көрсөтүлдү. Бул демилгелердин экономикалык маанисине өзгөчө көңүл бурулду. Тараптар долбоорлорду ишке ашыруу жумуш орундарын түзүүгө, калкты иш менен камсыз кылууга, айыл чарба продукциясын көбөйтүүгө мүмкүндүк берерин белгилешти Ошондой эле суу ресурстарын сарамжалдуу пайдалануу, тамчылатып сугаруу системасын кеңири жайылтуу, мол түшүм алууга байланышкан маселелер талкууланды Кытайлык инвесторлор жер ресурстарын үнөмдүү пайдаланып, алдыңкы технологияларды колдонуу менен дары өсүмдүктөрдү өстүрүүнү пландашты Жолугушуунун жыйынтыгында инвестициялык кызматташтыкты бекемдөө боюнча макулдашууга жетишилди