Казакстандын Улуттук банкы 2025-жылдын октябрынан бери биринчи жолу базалык ченди өзгөрттү

Казакстандын Улуттук банкынын Акча-кредит саясаты боюнча комитети базалык ченди +/-1 пайыздык пункт менен жылдык 18ден 17%га чейин төмөндөтүү чечимин кабыл алды, деп билдирди каржы мекемесинин басма сөз кызматы Жылдык инфляциянын басаңдоосу уланган – май айынын аягында 10,4% түзгөн. Айлык инфляция май айында 0,7%га басаңдаган (апрель айында 0,8%). Базалык жана сезондук такталган инфляция да 0,7%га төмөндөдү Калктын келерки жылга инфляциялык күтүүлөрү май айында 12,7%ды түздү (апрель айында 14,6%). Рыноктун кесипкөй катышуучуларынын жылдын акырына карата күтүүлөрү 10,0% деңгээлинде калууда Өсүмдүк майларына, этке жана дан эгиндерине баалардын өсүшүнөн улам дүйнөлүк азык-түлүк бааларынын орточо өсүшү уланууда, ал эми кант жана сүт азыктарына баалар төмөндөөдө 2026-жылга инфляциянын болжолу 9-11% (мурда 9,5-11,5%) чейин төмөндөө жагына кайра каралып чыккан "Улуттук банк инфляциянын 2026-жылы бир орундуу деңгээлге жетишин күтүүдө. Буга орточо катаал монетардык шарттар, ошондой эле макроэкономикалык туруктуулукту камсыз кылуу боюнча өкмөт менен биргелешкен чараларды ишке ашыруу көмөктөшөт", — деп айтылат түшүндүрмөдө 2027-жылы инфляциянын 5,5-7,5%га басаңдашы болжолдонууда, ал эми 2028-жылы 5% максаттуу көрсөткүчкө жакын турукташат Бул көрсөткүчтөрдүн баары базалык ченди төмөндөтүү үчүн мейкиндикти түздү, деп белгиледи өлкөнүн башкы банкы. Бирок быйыл инфляцияны бир орундуу санга чейин төмөндөтүү жана орто мөөнөттүү келечекте коюлган максатка жетүү үчүн “акча-кредиттик шарттардын орточо катуулугун сактоо зарыл” Кийинки пландалган чечим 24-июлда жарыяланат Буга чейин Улуттук банк 2026-жылдын ортосуна чейин базалык ченди өзгөртпөй турганын билдирген. Эксперттер июнь айынын башында кыскарат деп болжошкон Улуттук банк акыркы жолу 2025-жылдын 10-октябрында базалык ченди өзгөртүп, аны дароо 16,5%дан 18,0%га көтөргөн Informburo.kz сайтынан тиешелүү темадагы жаңылыктар жана материалдар