Казакстандын Улуттук банкы базалык ченди 17% чейин төмөндөттү

Казакстандын Улуттук банкынын Акча-кредит саясаты боюнча комитети базалык ченди +/- 1 пайыздык пункт коридору менен жылдык 17%га чейин төмөндөтүү чечимин кабыл алды. Чечим инфляциянын басаңдашына жана такталган макроэкономикалык болжолдорго байланыштуу жана жөнгө салуучу органдын расмий сайтында жарыяланды Май айынын аягында Казакстанда жылдык инфляция 10,4%га басаңдаган. Азык-түлүк товарларынын инфляциясы жашылча-жемиштерге жана социалдык маанилүү товарларга баанын арзандашынан улам 10,7%га төмөндөдү. Теңгенин бекемделиши жана керектөө суроо-талаптын турукташуусунан улам азык-түлүк эмес инфляция 11,7% деңгээлинде сакталган. Турак жай-коммуналдык кызмат көрсөтүүлөргө тарифтердин өсүү темпинин төмөндөшүнүн фонунда кызмат көрсөтүүлөргө баанын өсүшү 8,7%га чейин басаңдаган. Май айында айлык инфляция 0,7% түздү Калктын келерки жылга инфляциялык күтүүлөрү 12,7% деңгээлинде белгиленген. Ушул жылдын аягында рыноктун кесипкөй катышуучуларынын күтүүлөрү 10% Жаңыланган базалык сценарийдин алкагында 2026-жылга Brent мунайынын баасынын болжолу Жакынкы Чыгыштагы геосаясий чыңалуудан улам баррелине 90 долларга чейин көтөрүлгөн. 2027-жылы баа баррелине 75 долларга, 2028-жылы 65 долларга чейин төмөндөшү күтүлүүдө