НАТО өлкөлөрү Украинага дагы 70 миллиард евро бөлүп бериши мүмкүн

НАТО өлкөлөрү Украинага 70 миллиард евро өлчөмүндө аскерий жардам бөлүүнү караштырууда. Бул тууралуу аскердик альянска кирген бир катар өлкөлөрдүн дипломаттары билдирди. Украинага колдоо көрсөтүү планы НАТОнун июль айында Анкарада өтүүчү саммитинде кененирээк жарыяланат. Киевге миллиарддаган каражат бөлүү демилгеси Германияга таандык. План каржылоонун ачык-айкындуулугун жогорулатууга, жаңы механизм аркылуу Аскердик биримдиктин мүчөлөрүнүн чыгымдарын теңдештирүүгө багытталган