Алматыда турак үйдүн жер төлөсүнөн баңги плантациясы табылды

Текшерүүгө «102» пультуна баңги заттын жытына окшош мүнөздүү жыт тууралуу билдирүү келип түшкөн. Текшерүүнүн жүрүшүндө окуя болгон жерге келген милиция кызматкерлери тарабынан атайын техниканын жардамы менен жашыруун баңги плантациясын уюштуруу жана тыюу салынган өсүмдүктөрдү өстүрүү үчүн жасалма шарттар түзүлгөн белгилери аныкталган Ыкчам-издөө иш-чараларынын натыйжасында имаратты пайдаланууга тиешеси бар адамдар аныкталган. Иликтөө иштеринин жүрүшүндө кара куурайга окшош ондогон өсүмдүк бадалдары, ошондой эле кургатылган өсүмдүк калдыктары табылып, алынган. Мындан тышкары, культивациялоо жана сатууга даярдоо үчүн колдонулган жабдуулар: жарык берүүчү приборлор, электрондук таразалар, вакуумдук пломба жана температураны көзөмөлдөөчү приборлор алынды Мындай фактылар өзгөчө көзөмөлгө алынганын Алматы шаардык ички иштер башкармалыгынын баңги кылмыштуулукка каршы күрөшүү бөлүмүнүн башчысы Батуржан Абдумсаров баса белгиледи — Курамында баңги заты бар өсүмдүктөрдү мыйзамсыз өстүрүү - баңги заттарды андан ары жайылтууга багытталган кылмыш чынжырынын этаптарынын бири. Милиция кызматкерлери өз убагында чара көрүп, ыкчам иш алып баруунун аркасында бул факты аныкталып, бөгөт коюлган. Бул багыттагы иштер улантылат», - деди ал Кылмышка шектүүлөр полицияга жеткирилген. Бул факты боюнча сотко чейинки иликтөө иштери жүрүп жатат