Кыргызстандын түштүгүндө Улуттук коопсуздук боюнча мамлекеттик комитеттин башчысынын жетекчилиги астында антитеррордук атайын операция өттү. Сүрөт

«Кыскача маалымат» (АКИpress) - 9-июнга караган түнү УКМКнын кызматкерлери «Катиба ат-Таухид валь-Жихад» жана «Ислам мамлекети» эл аралык террористтик уюмдарынын (ЭКУ) активдүү мүчөлөрүн зыянсыздандыруу боюнча антитеррордук атайын операция өткөрүштү УКМКнын басма сөз кызматы билдиргендей, экстремисттер укук коргоо органдарынын кызматкерлерине жана диний ишмерлерге каршы теракт уюштурууну пландап жатышкан Алсак, Ош, Кызыл-Кыя шаарларында, Кара-Суу районунда жана Кадамжай районунун Үч-Коргон айылында антитеррордук операция өткөрүүнүн укуктук режими киргизилген. Ыкчам штабга милиция, чек арачылар, Коргоо министрлигинин аскер кызматкерлери, Өзгөчө кырдаалдар министрлигинин, Саламаттыкты сактоо министрлигинин кызматкерлери, ошондой эле президенттин облустардагы ыйгарым укуктуу өкүлчүлүктөрүнүн жана Ош шаарынын мэриясынын жетекчилиги кирди Натыйжада кылмышка шектүү 31 адам кармалган, анын ичинен 11и Ош облусунан, 20сы Баткен облусунан Тинтүү учурунда кармалгандардын жанынан диний-экстремисттик адабияттар, экстремисттик материалдарды камтыган электрондук маалымат каражаттары, 4 даана катталбаган ок атуучу куралдар, террористтик уюмдардын символдору жана чет өлкөлүк террористтерди көмүскө каржылоого багытталган акча каражаттары табылган Атайын операциянын жүрүшүн Улуттук коопсуздук боюнча мамлекеттик комитеттин төрагасы Жумгалбек Шабданбеков реалдуу убакыт режиминде кырдаал борборунан көзөмөлдөп турду. Ал жарандардын коопсуздугун камсыздоону, кармалгандардын байланышын текшерүүнү, алардын мүмкүн болуучу шериктерин жана каржылоо каналдарын аныктоону тапшырды «Атайын операция мыйзамдын чегинде жүргүзүлүп, учурда УКМКнын Башкы тергөө башкармалыгы тарабынан ыкчам-иликтөө иш-чаралары жүргүзүлүүдө», - деп билдирди басма сөз кызматы