Армениядагы шайлоодо Пашиняндын партиясы алдыда келе жатат, добуш берүүгө парламенттин депутаттары көз салышты

Армениянын премьер-министри Никол Пашиняндын айтымында, бул өлкөдө 7-июнда өткөн парламенттик шайлоодо бийликтеги “Жарандык келишим” партиясы алдыда келе жатат. Жогорку Кеңештин депутаттары Жаныбек Абиров менен Азизбек Абдуллаев КМШ ПААнын байкоочулар миссиясынын курамында добуш берүүнүн жүрүшүнө көз салышты, деп билдирди парламенттин басма сөз кызматы Армениянын Борбордук шайлоо комиссиясынын алдын ала маалыматы боюнча, шайлоого 1 миллион 476 миң шайлоочу катышты. Кээ бир бюллетендерди иштеп чыккандан кийин, “Жарандык келишим” 50%дан ашык добушка ээ болду. Экинчи орунду Самвел Карапетяндын “Күчтүү Армения” оппозициялык блогу, үчүнчү орунду экс-президент Роберт Кочаряндын “Армения” блогу ээледи Мониторингдин алкагында кыргызстандык депутаттар Армениянын Улуттук ассамблеясынын төрагасы Ален Симонян, Борбордук шайлоо комиссиясынын башчысы Вахагн Ховакимян жана шайлоого катышкан саясий партиялардын жетекчилиги менен жолугушту