Ысык-Көлдүн чыгыш жээгинде боз турна биринчи жолу уя салды (фото)

19-апрелде Ысык-Көл мамлекеттик жаратылыш коругунун Жети-Өгүз тилкесинде аң багуучу А.Калчаев боз турнанын уясын таап чыккан. Ал Ысык-Көлдүн жээгиндеги сазда жайгашкан. Ал эми 24-майда ошол эле тилкеде талаанын четинде эки балапаны бар боз турнага жолугуп калганын Жаратылыш ресурстар министрлиги билдирди Учурда коруктун кароолчулары турналарды кайтарып, көзөмөлгө алууда Ысык-Көл коругунун илимий кызматкери С.Кулагин Ысык-Көлгө боз турна биринчи уя салганы тууралуу илимий макала жазган. Макала Москвадагы Евразиялык турналар боюнча эл аралык жумушчу топтун маалымат бюллетенине жөнөтүлгөн Маалым болгондой, өлкөнүн тарыхында боз турна уя салганы Чүй өрөөнүндө бир гана жолу — 1958-жылы катталган