Майлуу-Суу лампа заводун калыбына келтирүүгө каражат бөлүндү

Майлуу-Суу лампа заводунун ишин калыбына келтирүүгө каражат бөлүндү. Бул тууралуу президенттин атайын тапшырмалар боюнча атайын өкүлү Бакыт Төрөбаев ишканада болгон жолугушууда билдирди Министрлер кабинетинен билдиришкендей, Төрөбаев президент Садыр Жапаровдун тапшырмасы менен аймактарда иш сапар менен жолугушууларды өткөрүүдө. Алардын максаты - өнөр жайды өнүктүрүү жана мурдагы ири өндүрүш ишканаларынын ишин кайра жандандыруу Төрөбаев Майлуу-Суу лампа заводуна барганда жыл башында президенттин буйругу менен ишканага 116,9 млн сом бөлүнгөнүн айтты. Бул акча жумуштан бошотулган кызматкерлердин эмгек акысын төлөөгө жана төлөмдөргө жумшалган Мындан тышкары, министрлер кабинетинин буйругуна ылайык, заводдун ишин жандандырууга 1 миллиард 159 миллион 863 миң сом бөлүнгөн Ошондой эле, президенттин жарлыгына ылайык, «Майлуу-Суу лампа заводу» ААКнын эсебине 931,6 млн сом бөлүнсө, анын 600 млн сому бөлүнгөн. Министрлер кабинети белгилегендей, бул каражаттар өз максатына, анын ичинде ишкананын уюмдарга болгон карызын төлөөгө жумшалат Учурда өндүрүштүк инфраструктураны жаңылоо, инженердик тармактарды реконструкциялоо жана аларды учурдун талабына ылайык келтирүү боюнча даярдыктар көрүлүүдө. Ошондой эле заводдун аймагында индустриалдык паркты түзүү жана өнүктүрүү пландаштырылууда Министрлер кабинети заводду калыбына келтирүү өлкөнүн өнөр жай потенциалын өнүктүрүүгө, жергиликтүү бюджетке салыктын түшүүсүн көбөйтүүгө жана жаңы жумуш орундарын түзүүгө жардам бериши керек деп эсептейт